Laos 🇱🇦 | ປະເພີຮີດຄອງເດືອນສິບເພັງ ບຸນຫໍ່ເຂົ້າສລາກ(ສະຫຼາກ)

ບຸນຫໍ່ເຂົ້າສລາກ(ສະຫຼາກ) ຈັດຂຶ້ນທຸກໆ 14-15 ຄໍ່າ ເດືອນ 10 ເປັນປະເພນີໃນຮີດສິບສອງຂອງຊາວລາວທຸກໝູ່ເຫຼົ່າ
ຂໍ້ມູນປະກອບເພີ່ມຕື່ມ ຕາມທີ່ໄດ້ເຫັນມາ ແລະ ໄດ້ປະຕິບັດ ໃນຊຸມຊົນຊາວຜູ້ໄທບ້ານຜູ້ຂ້າ ຄືຂົງເຂດເມືອງວິລະບູລີ ແຂວງສະຫວັນນະເຂດ ໂດຍມີຈຸດພິເສດທີ່ຕ່າງກັບຖິ່ນອື່ນ (ຫຼືບໍ່?)
1. ຫໍ່ເຂົ້າ ທີ່ເປັນເອກະລັກສະເພາະ ການຫໍ່ແມ່ນຫໍ່ດ້ວຍໃບກ້ວຍເປັນກ້ານ ຫໍ່ຄືກັບຫໍ່ໝົກ ແລະ ເຮັດຫໍ່ນ້ອຍຫຍິບຮ້ອຍແລ້ວອ້ອມຫໍ່ໃຫຍ່ (ຄືດັ່ງພາບ) ພາຍໃນຫໍ່ຈະປະກອບມີ ເຂົ້າຕົ້ມ ກ້ວຍ ອ້ອຍ ໝາກພ້າວ ຊີ້ງປີ້ງ ປາປີ້ງ ແລະ ມີອີກຫລາຍຢ່າງຕາມແຕ່ສັດທາ ພາຍຫລັງນໍາໄປຖວາຍແກ່ພຣະສົງແລ້ວ ພາຍຫລັງພຣະສົງເຮັດພິທີສູດສຳເລັດ ສຳລັບຫໍ່ນ້ອຍໆແມ່ນຈະນຳໄປຫ້ອຍຕາມຕ້າຍວັດ ເພື່ອອຸທິດໃຫ້ຜູ້ລ່ວງລັບ ສ່ວນຫໍ່ໃຫຍ່ແມ່ນຖວາຍໃຫ້ພຣະສົງ

2. ຕົ້ນກາລະພຶກ ແມ່ນເຮັດດ້ວຍໄມ້ປ່ອງ ສານເປັນ 3 ຊັ້ນ ນໍາເອົາຜົນລະປູກທີ່ໄດ້ຕາມລະດູການມາມັດຮ້ອຍ ແຂວນໃສ່ຕົ້ນ ບໍ່ວ່າຈະເປັນ ຂີງ ຂ່າ ໝາກໄມ້ຕ່າງໆ ໃນມື້ຂຶ້ນ 14 ຄໍ່າຕອນບ່າຍ ແມ່ນຈະມີພິທີແຫ່ຕົ້ນ ຕີຄ້ອງ ຕີກອງມ່ວນຊື່ນຕາມປະເພນີ ແຫ່ຕົ້ນອ້ອມວັດ ມື້ 15 ຄໍ່າຈຶ່ງຖວາຍພຣະສົງ ແລະ ແຈກຢາຍຜົນລະປູກໃຫ້ກັນຂອງຊາວບ້ານ ພິທີນີ້ເວົ້າໄດ້ວ່າ ເປັນປະເພນີສະເຫຼີມສະຫຼອງຜົນລະປູກ

——————•••——————

Costume: ປັນມູນ-Panh Moon: Lao Traditional Textiles, ແສງຈຳປາ ຮັບສະແດງສິລະປະ ແລະ ເຊົ່າຊຸດ.
Photographer: Onh Laenungkhampheng.
Model: BeBell Xaphukdy, Noy Phonethip, Korviset Phaxaisombath, Souchinda Killaphone.
Makeup & Hairstylist: KiKaiy Sybounheuang.
Prop & Flowers: ກີ້ ແກ້ວວົງກົດ.
Location: ສິມວັດຫົວເມືອງ ນະຄອນຫລວງວຽງຈັນ.

คอมเมนต์